洋蔥豬排

煎豬排絕對是必備家常菜色之一🍖 但近來新鮮豬肉價格上升，唯有改用急凍豬肉代替😜 一般急凍豬排比新鮮豬排薄身，經過解凍洗淨後，會變得鬆散，亦會帶一點雪藏過的味道，所以我處理急凍肉類會比較細心，步驟雖然多一些💪 但一定不會令你後悔的

蒜香蜜汁雞翼

雞翼(雞翅)相信是任何家庭的必備食材🍗 我也不例外，這就是我家最愛的雞翼菜色之一🍯 就連碟邊都會吃得乾乾淨淨😁 很久以前分享過文字食譜，不過有朋友要求我拍成短片給她看得清楚一點😆

利用炸蒜後的油來回鍋煎雞翼，香味十足，而金黃又脆卜卜的炸蒜，灑在雞翼上，加上汁料甜甜的，真的能伴吃大大碗的飯，十分滋味😋

如果希望食譜再簡單一點，上生粉的步驟可以省略的，沾生粉目的是令雞翼吸收更多汁料👍

麻辣蝦米菜脯

自家製，就是說在外面吃不到的味道😋 

炒菜脯是我家的必需品，我最愛吃麵條時加兩湯匙辣菜脯，然後什麼配料都不用給我，

已經十分滋味🍜

👉我特別將青花椒用攪拌器打成粉，一同加入菜脯中，麻麻辣辣十分過癮🌶🌶

足料碗仔翅

今日一起床就好想食碗仔翅😋 

搵返個食譜出來再落街買材料，等我煮多啲，聽日放假都可以食呀！正呀喂😆

蒜香椒鹽豬排

這碟豬排十分有大牌檔的風味，外脆內軟，很好下飯 😚 

吃到要添飯！而我就話要添支大啤酒才對🍻

💡💡我的豬排三步曲 👉揼👉搓👉醃
揼鬆肉質，因為豬排遇熱會收縮，揼鬆過的豬排煎煮後就不會變硬了
搓就是醃製時加以按摩，令肉質吸收調味料，更入味
醃料中加入少許水份，令肉汁更豐富

老少平安

新年就是不停吃吃吃，開始覺得...有點膩😜 

今晚是時候清淡一點，蒸了一碟老少平安，老少咸宜 👨‍👩‍👧‍👦 十分好意頭❤️ 

鯪魚肉、豆腐普遍在街市就買得到，簡單又美味😋

紅糖發糕

年初三赤口，最好就是留在家中，開爐蒸蒸發糕，健康、簡單又美味😋 

發糕發得起，祈望各位新的一年步步高陞，順順利利🎉🎉

恭喜恭喜😚😚

紅燒元蹄

找到上年大元蹄的食譜😁 今年要再做，新年是可以任性，吃吃吃😆
外面吃到的紅燒元蹄，價錢都好幾百，自己炆雖然花多些少時間，不過十分好味道，肉香味濃，炆好將它存入冰箱，兩日後才吃，味道更佳更入味😋
#家常版 #免油炸 #零危險

💡以下食譜就用了豬手 (即咸豬手位)，肉比大元蹄細少，適合人少吃。如人多的話，直接用大元蹄👍 做法是一樣，當然炆的時間要比以下食譜加長約半至一小時。

蟲草花滑雞臘腸煲仔飯

停課成個星期...真係好想食返煲煲仔飯，以表達我現時嘅心情😆
趁未新年啲雞未起價，晨早落去買左隻新鮮雞食下，雞比留返比哥哥帶飯，全部都起哂骨，雞骨順便用來煲湯，實行一雞食到盡😂 唔好浪費啦👍 最後我加左啲鵝油落去，啲飯焦特別香，好好味😋

清湯蘿蔔牛腩

炆牛腩都算是零失敗、零難度嘅家常菜之一 😋 加上我用高速煲來炆，真係好快就食得，呢個湯用來打邊爐都得，清湯腩通常都會用坑腩、崩沙腩、蝴蝶腩...之前我有用過梅頭牛腩，又係好好食，我自己最鐘意食坑腩，肥瘦適中 👍 而崩沙腩會有少少筋又有少少肥，通常一早就賣完，要訂先留！
一斤牛腩一大塊，我會切開兩至三份，快入味又快軟稔，如果留第二日先食，牛腩炆好繼續浸係湯裡面，放入雪櫃保存，加個河粉米粉，幾滴辣椒油....哇！真係超美味呀😍

木瓜廚房 之 十款轉季精選湯水

近來天氣日漸轉涼，開始乾燥，日夜溫差大，都會有幾聲乾咳，或容易染上感冒，無論大小朋友都是時候多飲用滋潤和增強抵抗力的湯水啦！

以下介紹十款大小朋友一家人都合適的湯水👍

麻辣豬皮雞煲

麻🌶️雞煲，以前都出過食譜，不過係照片，試下今次拍片，睇返都流口水呀🤤 雞煲真係百吃不厭，我最鐘意嘅食法就係打個芡汁，用個汁撈飯食 🍚 當然，唔加芡汁就可以加啲湯來打邊爐，上次朋友來食飯，我加左豬皮，吸哂啲麻辣汁，超正呀 😋 大家一齊諗多啲吸汁嘅食材放入去啦 😜

蜆蚧炆雞

蜆蚧醬除左用來配炸鯪魚球，其實可以用來炆肉，仲好惹味添 😋 呢幾日天氣濕濕，好想食返個煲仔菜，我覺得蜆蚧有少少似蝦醬，炒出來好香好香...真係好香 😚 強烈建議加支竹，等佢吸哂啲汁 👍 支竹用新鮮的話，炆嘅時間會快啲，可以係豆腐檔買到！

👉👉記得煮多碗飯呀！

自家製蒜蓉醬

萬用嘅蒜蓉醬真係下廚必備，冬天食火鍋要有佢，夏天食涼拌又要有佢！自己動手做，簡單又無任何添加劑 👍👍
蒜多食無壞，又可以提高免疫力，我好鐘意食蒜架，簡直係彊C先生都怕左我 😂
獨子蒜除左用來做黑蒜，我個人就鐘意用佢來整醬料，因為做出來嘅醬料蒜味重又冇咁辣，口感軟滑 (蒜頭會硬身少少)
💡 呢度有兩個版本，有辣有唔辣，兩款做哂都得，得左 ❤

麻辣東風螺

星期五比自己鬆一鬆，食啲辣嘢，開支啤酒飲 😍 確係爽！
本來想買花螺，不過貴成倍就改買東風螺 😂 加埋麻辣，惹味非常

鮮蝦菜肉餃

有人話…我家雪櫃有個黑洞，放極都仲有位 😂 除左一堆凍肉或乾貨，冇事就包定啲餃子，有菜有肉又有蝦，絕對有營又好食，包定唔同形狀，想煎想烚想點都得 👍
PS：肚臍餃係我家小朋友改嘅 😌 有創意吧！

蠔油鴨舌

呢個可以凍食或熱食，一樣咁好食！

加罐啤酒，煲下劇，睇下波，真係一磅都唔夠食，

我之前整過麻辣味，醉酒味，

不過我覺得最好食都係蠔油味^^

香煎咸蛋蠔仔餅

平時出街食飯，我老闆最鐘意叫蠔餅，
雖然我都好鐘意食，但好多時第二日都會肚痛 ><"
既然你咁想食.....今晚就蠔比你啦！
加左自家製嘅咸蛋，另有一份咸香嘅味道，超正呀！

***蠔仔去腥有辦法：記住唔好預先出水，因為會失去左果份鮮味，

只要用鮮奶浸一陣，鮮奶亦會令蠔更乾淨架！

(可以用啲過左期嘅奶，只要未變酸就可以用)

  

京蔥肉絲 配 叉子燒餅

我記得細個果時老豆成日帶我去灣仔某間菜館，
裡面嘅叉子燒餅超好食，香口野係小朋友都愛，
而家好似失傳左咁，通常食到嘅都係扁扁平平，
要自己打開塞肉入去食，已經唔係脹卜卜，
有個洞直接放肉入去，今日我成功左啦！
等我整幾個帶去娘家比老豆試下先得！
 
PS：最後先發現原來冇哂白芝麻，就用黑芝麻頂上啦！

自家足料魚肉碗仔翅

相信碗仔翅係屬於香港人嘅共同回憶吧！
我用左半隻雞去餚湯底，淨係啖湯已經夠好味啦~
加埋自己整嘅辣菜脯，簡直冇得頂呀！
辣菜脯食譜在此