2016年11月7日 星期一

反轉脆炸魚肉豆卜

簡單又好味,平靚正 👍 送飯?我覺得用來送支啤酒襯啲 😂 唔需要用任何炸粉,半煎炸就已經超脆!…都未開飯人人走來食我兩粒……




2016年11月4日 星期五

Bosch FlexInduction嵌入式電磁爐

早前得到 Bosch Home​  嘅邀請,試用最新嘅FlexInduction嵌入式電磁爐示範左兩個食譜 , 見到個爐時我真係超興奮,有4個烹調區,可以同時煮多款菜式都得,啱哂果啲經常煮九大簋嘅朋友,而且有個特大彩色嘅觸控面板同繁體中文顯示,操作十分簡單又容易掌握,入面附設好多不同嘅食譜和功能,只要選擇好所需要嘅功能, 就輕易做出美食 👏

💡首先示範煮蜜桃咕嚕肉 🍗 我用左Bosch FlexInduction獨有嘅 PerfectFry油炸感應器第4段火力炸脆個排骨,調較好所需火力後,佢就會自動恆溫,唔會不斷咁加熱油溫而令食物容易炸燶,炸出來嘅排骨都係均勻金黃色,煮汁時我轉用一個較大嘅平底鑊,只要輕按一鍵,就可將兩個烹調區合併,無論不同大小嘅器具都可以感應到,好方便呀 👍


💡之後做左早餐必食嘅班戟 🍳 雖然煎班戟係容易,不過就好難控制每片煎出來嘅班戟顏色都一樣,今次我用左Bosch FlexInduction Assist協助功能入面嘅班戟預設煮食建議,選用左班戟預設煮食建議後,佢就會自動啟動PerfectFry油炸感應器第5段火力,輕易就煎到色澤均勻嘅班戟 😍

經過呢次體驗,令我對電磁爐完全改觀,烹煮嘅時候既唔會覺得個空間好熱,火力可以恆溫之餘仲控制得好好,爐上亦有安全鎖十分安全,啱哂入廚新手 💪




**用Bosch FlexInduction獨有嘅 PerfectFry油炸感應器第4段火力就可以輕易炸脆個排骨同炒蜜桃咕嚕肉

2016年10月7日 星期五

慢煮鴨胸 配 洋蔥黑醋汁

呢幾日都忙住清雪櫃 💪 發現左包鴨胸 😂 等我試下整先
其實慢煮同明火(或焗爐)嘅分別,事實慢煮嘅肉質會嫩啲,同時都冇咁容易煮過頭,
仲可以保存到肉汁,不過大前題都一定要多加練習呀 💪
當上左手嘅時候...就會好似我咁愛上佢 😂❤

👉👉呢個汁配鴨胸非常夾,因為鴨胸食落都好漏,但呢個酸酸甜甜嘅味道就剛好中和左 👍





2016年9月21日 星期三

番茄露荀雞肉小米飯:


近日慢慢轉涼,懶洋洋嘅天氣真係會令小朋友冇咩胃口,係時候又要出動有味飯啦 ❤
飯當中有菜有肉,再加埋番茄,味道酸酸地食落好開胃,切到細細粒又方便佢地食,
幾懶都好,胃口都會返來啦 😁 最重要係入面嘅材料完全合乎營養師要求 👍