Bosch FlexInduction嵌入式電磁爐

早前得到 Bosch Home​  嘅邀請，試用最新嘅FlexInduction嵌入式電磁爐示範左兩個食譜 , 見到個爐時我真係超興奮，有4個烹調區，可以同時煮多款菜式都得，啱哂果啲經常煮九大簋嘅朋友，而且有個特大彩色嘅觸控面板同繁體中文顯示，操作十分簡單又容易掌握，入面附設好多不同嘅食譜和功能，只要選擇好所需要嘅功能, 就輕易做出美食 👏

💡首先示範煮蜜桃咕嚕肉 🍗 我用左Bosch FlexInduction獨有嘅 PerfectFry油炸感應器第4段火力炸脆個排骨，調較好所需火力後，佢就會自動恆溫，唔會不斷咁加熱油溫而令食物容易炸燶，炸出來嘅排骨都係均勻金黃色，煮汁時我轉用一個較大嘅平底鑊，只要輕按一鍵，就可將兩個烹調區合併，無論不同大小嘅器具都可以感應到，好方便呀 👍

💡之後做左早餐必食嘅班戟 🍳 雖然煎班戟係容易，不過就好難控制每片煎出來嘅班戟顏色都一樣，今次我用左Bosch FlexInduction Assist協助功能入面嘅班戟預設煮食建議，選用左班戟預設煮食建議後，佢就會自動啟動PerfectFry油炸感應器第5段火力，輕易就煎到色澤均勻嘅班戟 😍

經過呢次體驗，令我對電磁爐完全改觀，烹煮嘅時候既唔會覺得個空間好熱，火力可以恆溫之餘仲控制得好好，爐上亦有安全鎖十分安全，啱哂入廚新手 💪




**用Bosch FlexInduction獨有嘅 PerfectFry油炸感應器第4段火力就可以輕易炸脆個排骨同炒蜜桃咕嚕肉

 **用Bosch FlexInduction獨有嘅 PerfectFry油炸感應器炸排骨, 整蜜桃咕嚕肉, 真係輕鬆簡單!

《蜜桃咕嚕肉》

材料：腩排(約30蚊)，罐頭蜜桃1罐(15oz)，洋蔥半個，蒜蓉1茶匙，紅甜椒1個，青椒1個，面粉適量

醃料：生抽1湯匙，蛋白1隻，糖1茶匙，胡椒粉少少

汁料：茄汁5湯匙，糖1茶匙，喼汁1湯匙，檸檬汁2茶匙，鹽1茶匙

芡汁：生粉1茶匙，水1湯匙

1. 腩排用醃料醃好
2. 蜜桃切件，罐頭水留用
3. 洋蔥，青椒和紅甜椒切件
4. 腩排沾上面粉，放入鑊中半煎炸成金黃色至全熟，盛起備用
5. 原鑊倒走多餘油份，落蒜蓉和洋蔥炒香後，加入青紅椒
6. 加入汁料和罐頭水一同煮滾，加入芡汁 (如本身汁料已經覺得稠身，可以唔落芡！)
7. 最後加入蜜桃快炒至汁料均勻，咁就可以啦！

**罐頭水浸過果肉，所以十分香甜，記住留來做個汁呀！如果覺得已經夠甜，可以完全唔落糖都可以^^

**因為罐頭水果欠缺果酸味，我就加左少少檸檬汁來提升酸味

**Bosch FlexInduction Assist協助功能入面有班戟預設煮食建議, 選用左之後, 佢就會自動啟動PerfectFry油炸感應器第5段火力幫你煎出靚班戟 


**想煎靚班戟用Bosch FlexInduction Assist協助功能就得喇!

《PANCAKE》

材料: 低筋面粉100g, 泡打粉2g , 糖50g, 蛋2隻, 牛奶80G,
雲尼拿油半茶匙, 菜油1湯匙

1. 低粉, 泡打粉混合過篩
2. 蛋, 雲尼拿油, 牛奶和菜油一同拌勻後, 倒入粉中拌至沒有粒粒狀
3. 再加入糖拌至完全均勻, 即成PANCAKE的麵糊
4. 燒熱平底鑊, 掃上少少菜油
5. 將適量的麵糊倒入, 用中火, 等表面有出現小氣孔(約1分鐘), 就反轉煎多10秒左右, 就可以上碟, 配糖漿, 果醬和牛油一齊食就可以啦 ❤

了解更多有關Bosch FlexInduction: http://bit.ly/2cYwqth


#Bosch
#FlexInduction
#電磁爐
#Cooking