花蛤蒸水蛋

雞蛋絕對係家居必備🥚 

蒸水蛋相信人人都愛吃，我家中嘅弟弟無蛋不歡🍳 

日日都要有蛋先食飯😆 以前我會用鮮奶來蒸，小朋友大個左，味道可以來啲變化❤️

我地其中一款家常蒸水蛋，就係加入花蛤(花甲)，簡直係一家歡喜😋 

鮮甜美味，白飯神偷🍚

我蒸水蛋冇咩秘技，只要留返半個蛋殼來計算水份就可以，無論咩Size嘅蛋都好，

比例就係一隻蛋，加入一隻半蛋嘅水份，水份可以係奶、豆漿或雞湯等等...

👉 蛋 : 水 = 1 : 1.5
👉 即係話一隻蛋，就用個半殼盛起3次水

麻辣東風螺

星期五比自己鬆一鬆，食啲辣嘢，開支啤酒飲 😍 確係爽！
本來想買花螺，不過貴成倍就改買東風螺 😂 加埋麻辣，惹味非常

鮮蝦菜肉餃

有人話…我家雪櫃有個黑洞，放極都仲有位 😂 除左一堆凍肉或乾貨，冇事就包定啲餃子，有菜有肉又有蝦，絕對有營又好食，包定唔同形狀，想煎想烚想點都得 👍
PS：肚臍餃係我家小朋友改嘅 😌 有創意吧！

冬蔭功

一直都想出呢個食譜，原來一直都未出 😂 因為我成日煲，就以為自己已經post左 😁 講返呢個湯底，絕對飲完唔口渴嘅自家湯底來嘅 👍 飲完一碗又一碗！我買左兩個雞胸連雞殼，起左啲雞肉攪碎就用來炒泰式肉碎生菜包，兩食！雞殼蝦殼就用來滾湯，真係好得架 ❤
仲有，我唔鐘意一路飲湯一路吐返啲渣出來，所以我滾湯時已落齊香料，煲好就隔渣，成煲湯啖啖肉咁食，滋味好多架 👍

紙包塔香鹽焗蝦

啲蝦好靚，真係忍唔住買，咁新鮮嘅蝦平時我會用蒜蓉開邊蒸，
不過今晚食西式，就用鹽焗啦！
加埋九層塔嘅香氣，簡單又好食！

泰式帶子刺身

生蝦就食得多，轉下用帶子！好好食呀！
加埋啲泰式酸辣汁，令胃口大開呀！

香煎咸蛋蠔仔餅

平時出街食飯，我老闆最鐘意叫蠔餅，
雖然我都好鐘意食，但好多時第二日都會肚痛 ><"
既然你咁想食.....今晚就蠔比你啦！
加左自家製嘅咸蛋，另有一份咸香嘅味道，超正呀！

***蠔仔去腥有辦法：記住唔好預先出水，因為會失去左果份鮮味，

只要用鮮奶浸一陣，鮮奶亦會令蠔更乾淨架！

(可以用啲過左期嘅奶，只要未變酸就可以用)

  

咖哩炒蟹

其實炒蟹唔難，只要克服唔好怕咁生猛嘅蟹就得！哈哈！
希望我拍嘅短片都幫到大家！
扎蟹條繩千萬唔好剪走，佢地嘅鉗好大力，真係比佢鉗到手指都冇！
最好係KO左佢先攞走，蟹肚向上，佢就會動彈不得，帶上手套可以開工！