麻辣口水雞

口水雞皮爽肉嫩，配上香辣醬汁，真的令人吃個不停😋 如果...我再告訴你...這款醬汁是我自家製的，這會更加吸引嗎😆
自家醬汁😍 口味獨到，保證安全和衛生👍 想要食譜嗎？

👉浸雞後的湯汁，不要倒掉啊，可作煮麵或煮飯的水份之用，如果覺得紅油很辣的話，亦可以加入少許湯汁來中和味道，但我太愛辣了🌶所以沒有加入湯汁，反而在底部加入青瓜🥒 清甜爽口，去除油膩感

而配料我選用了松子，因為我不太愛吃花生或腰果，同樣可以增加堅果的香脆口感🤤

洋蔥豬排

煎豬排絕對是必備家常菜色之一🍖 但近來新鮮豬肉價格上升，唯有改用急凍豬肉代替😜 一般急凍豬排比新鮮豬排薄身，經過解凍洗淨後，會變得鬆散，亦會帶一點雪藏過的味道，所以我處理急凍肉類會比較細心，步驟雖然多一些💪 但一定不會令你後悔的

蒜香蜜汁雞翼

雞翼(雞翅)相信是任何家庭的必備食材🍗 我也不例外，這就是我家最愛的雞翼菜色之一🍯 就連碟邊都會吃得乾乾淨淨😁 很久以前分享過文字食譜，不過有朋友要求我拍成短片給她看得清楚一點😆

利用炸蒜後的油來回鍋煎雞翼，香味十足，而金黃又脆卜卜的炸蒜，灑在雞翼上，加上汁料甜甜的，真的能伴吃大大碗的飯，十分滋味😋

如果希望食譜再簡單一點，上生粉的步驟可以省略的，沾生粉目的是令雞翼吸收更多汁料👍

日式咖哩雞肉飯

甜甜的咖哩，加上大量的雜菜，配上白飯，真的不自覺地吃了一大盤🍛用少許蕃茄來作伴菜，可以解除肉類的膩，變得清爽一些🍅

日式咖哩普遍是甜中帶鹹，用2-3粒的咖哩磚，足以煮出2人份的咖哩了，而用不完的咖哩磚，用保鮮袋存好放進冰箱冷藏👍

我在咖哩裡添加了朱古力(巧克力)🍫 令醬汁變得更滑，更香濃，顏色更像咖哩的色澤，同時亦可以中和這程度的鹹味😋 已經不用再另加調味了！

💡日式咖哩，咖哩味濃，甜多辣少，雖然我們成年人不會覺得很辣，但是小朋友吃的話要注意了，因為各款牌子的味道也會有分別的。
(甘口) 100%甜味
(中辛) 微微微...的辣
(辛口) 辣味

😬強烈建議：薯仔不能少喔！咖哩薯仔就是最最最...好吃的了🥔🥔因為薯仔完全吸收了香濃的咖哩！

麻辣蝦米菜脯

自家製，就是說在外面吃不到的味道😋 

炒菜脯是我家的必需品，我最愛吃麵條時加兩湯匙辣菜脯，然後什麼配料都不用給我，

已經十分滋味🍜

👉我特別將青花椒用攪拌器打成粉，一同加入菜脯中，麻麻辣辣十分過癮🌶🌶

花蛤蒸水蛋

雞蛋絕對係家居必備🥚 

蒸水蛋相信人人都愛吃，我家中嘅弟弟無蛋不歡🍳 

日日都要有蛋先食飯😆 以前我會用鮮奶來蒸，小朋友大個左，味道可以來啲變化❤️

我地其中一款家常蒸水蛋，就係加入花蛤(花甲)，簡直係一家歡喜😋 

鮮甜美味，白飯神偷🍚

我蒸水蛋冇咩秘技，只要留返半個蛋殼來計算水份就可以，無論咩Size嘅蛋都好，

比例就係一隻蛋，加入一隻半蛋嘅水份，水份可以係奶、豆漿或雞湯等等...

👉 蛋 : 水 = 1 : 1.5
👉 即係話一隻蛋，就用個半殼盛起3次水

水波蛋明太子意粉

有冇覺得碟意粉好邪惡呢😆 又有冇人同我一樣鐘意食明太子呢？

明太子食法最簡單不過....就係直接拌飯食，無須要煮。

又或者將佢加入意粉中🍝 味道鹹鹹香香，帶丁點辛辣味

呢碟意粉大老闆超欣賞，仲問我係咪放左芝士，比芝士更好味道👍

外面cafe可能收百幾蚊碟，自己煮大大碟又抵食，而且15分鐘就做好，

就算放工返屋企都做得到，一碟香噴噴嘅意粉，自煮輕鬆冇難度

足料碗仔翅

今日一起床就好想食碗仔翅😋 

搵返個食譜出來再落街買材料，等我煮多啲，聽日放假都可以食呀！正呀喂😆

蒜香椒鹽豬排

這碟豬排十分有大牌檔的風味，外脆內軟，很好下飯 😚 

吃到要添飯！而我就話要添支大啤酒才對🍻

💡💡我的豬排三步曲 👉揼👉搓👉醃
揼鬆肉質，因為豬排遇熱會收縮，揼鬆過的豬排煎煮後就不會變硬了
搓就是醃製時加以按摩，令肉質吸收調味料，更入味
醃料中加入少許水份，令肉汁更豐富

親子Pizza之蕃茄芝士薄餅

呢個週末我同兩兄弟一齊做親子Pizza🍕
今集就畀佢哋做下主角啦✨
有廚師機唔怕佢哋搞到啲粉四圍飛，小朋友食返自己親手整嘅食物，特別美味之餘😙
滿足感都大啲👍 慢慢壓薄餅皮嘅過程又可以順便訓練下小朋友嘅耐性和小手肌💪🏻

今次嘅配料由佢地發揮，揀咗蕃茄同埋芝士，健康又簡單😋

小朋友唔可以挑食，佢哋加幾多配料都要自己食返，
我經常將佢地唔食嘅野加埋入去一齊焗😆
嚟緊復活節不妨同小朋友一齊享受下親子入廚樂啦🎉

醬油溏心蛋

溏心蛋真係一年四季都啱食😋 

食過韓式醬油蝦、醬油蟹之後，念念不忘好想再食，但冇理由下下都食到咁貴😙 

不如平平地用雞蛋試下🥚🐣

化算啲，啲醬油仲可以用來撈飯食，超美味，超滋味，十分滿足💓

日式燒汁牛排飯

昨天問哥哥午餐🍱
想要吃什麼嗎？答案是牛排🥩 午餐就吃牛排，晚餐還可以吃什麼呢？
然後我就隨意地做了這個，哥哥放學時，讚我的飯盒很美味，晚餐要再吃😆

幸好我的冰箱總會有存貨，牛排我會選肉眼，因為肉質比較軟稔，小朋友都愛吃😋
我盡量買同一個厚度的牛排，因為每次我只需要用同一個時間和火力，熟能生巧就能煎出理想的牛排來，不用每次懷疑煮它多久才對😂 

其實牛排不一定放在西餐桌上，這個方法也很滋味，還能配上一大碗飯🍚 這瓶燒肉汁我在Aeon買到的，價錢實惠，味道適中 👉注意的是不同牌子的醬汁鹹淡味不一，以下的汁料份量要自行調節喔

#15分鐘料理 #小學生飯盒 #簡易食譜

泰式萬用酸辣汁

過兩日朋友來我屋企，指明要食泰國菜🍻
喂！其實我唔係泰國人，我都想有人煮正宗泰國菜比我食😆
仲話一定要食我呢個汁，所以今日我就整定個汁啦🤤
然後發現...我啲口水流到成地都係.....😂

話明係萬用，即係煮又得，涼拌又得，用來點生蝦刺身就最好味啦！
諗起都吞哂口水，自家製味道隨個人口味調配，入面嘅材料，
一般東南亞或九龍城嘅泰國店舖買到，而我就係荃灣楊屋道市政街市二樓...
實際我唔知幾多號舖😂 有位泰國姨姨嘅，就係果度買齊料👍

磨菇肉腸拿破崙意粉

#15分鐘料理
#小學生飯盒

拿破崙意粉🍝.....聽聞係完全同拿破崙冇關係嘅😆 只係一個🍅番茄醬汁嘅意粉，咁我地只要買樽寫住『拿破崙意粉醬』就做到啦😂 零難度，15分鐘就做好👍 配料自由配搭，簡單又好味😋
意粉方面👉 因為每隻牌子有所不同，只要將包裝上嘅建議烹煮時間，減掉一分鐘，瀝乾水就可以，煮好嘅意粉係唔需要清洗！唔需要清洗！唔需要清洗！很重要所以要講3次😘 因為會洗走意粉表面嘅澱粉，醬汁就黏唔到上意粉啦~

泰式香茅雞翼

呢款雞翼實在太吸引啦😍 我相信身體係最誠實，廚房外嘅人不停叫"好香呀好香呀"，仲要入來偷食😅🍗 佢地已經唔可以再等我影相，我唯有另外拿一盤去自拍😜
今次嘅雞翼我醃左兩晚...事實係...我唔記得左有包雞翼係雪櫃...所以味道超入味😋 大家都可以試試醃定兩晚後食呀👍

老少平安

新年就是不停吃吃吃，開始覺得...有點膩😜 

今晚是時候清淡一點，蒸了一碟老少平安，老少咸宜 👨‍👩‍👧‍👦 十分好意頭❤️ 

鯪魚肉、豆腐普遍在街市就買得到，簡單又美味😋

紅糖發糕

年初三赤口，最好就是留在家中，開爐蒸蒸發糕，健康、簡單又美味😋 

發糕發得起，祈望各位新的一年步步高陞，順順利利🎉🎉

恭喜恭喜😚😚