紙包塔香鹽焗蝦

啲蝦好靚，真係忍唔住買，咁新鮮嘅蝦平時我會用蒜蓉開邊蒸，
不過今晚食西式，就用鹽焗啦！
加埋九層塔嘅香氣，簡單又好食！

材料：花竹蝦，粗鹽，九層塔，黑椒粉

1. 剪掉蝦頭嘅尖角和蝦腳，挑走蝦腸
 
2. 清洗乾淨，抹乾
 
3. 牛油紙上面舖上厚厚嘅粗鹽，放蝦係上面，灑上九層塔和黑椒粉，再舖粗鹽係蝦上面，將牛油紙包實材料
 
4. 放入已預熱嘅焗爐，用180度焗10分鐘就可以啦 (焗嘅時間要視乎蝦嘅大小而定)
 
5. 由焗爐攞出紙包，要小心打開，因為啲鹽好熱，最好等一陣先拆開


**買返來如果未食就直接放雪櫃，食前先攞出來室溫再處理
 
**當然唔用九層塔都可以，我只係想啲蝦有陣香氣