紅醬 (番茄醬料)

為左我啲意粉BB，今早就專登做左個紅醬來配合佢，
亦係兩個仔至愛嘅茄汁添 😍😍 巧味道！

材料：番茄6個，蒜頭6粒，洋蔥1個，羅勒葉10片，百里香1茶匙，橄欖油3湯匙，茄膏3湯匙

調味：鹽，糖

1. 係番茄皮上面茄界十字，放入滾水中烚3分鐘，咁就會容易撕走個皮，去除中間嘅核，放入攪拌機打碎，備用

2. 洋蔥和蒜頭用攪拌機打碎，備用

3. 羅勒洗乾淨，抹乾水份，切碎

4. 落油炒香洋蔥和蒜頭，至金黃色

5. 放入番茄，茄膏和百里香，炒至出味

6. 最後放入羅勒和調味就可以啦

7. 待涼後，放入雪櫃保存好，最好係一星期內食完，或可以係煮果時加入少少檸檬汁，咁樣就可以放耐少少



**因為我想個醬滑啲，我就全部都用攪拌機打碎，因為小朋友唔太鐘意食到洋蔥，咁樣佢地就食左都唔知道！哈哈哈

**紅醬可以用來做Pizza，意粉，雜菜湯都可以加啲，每次做多少少，肯定好快就食哂

**如果鐘意食辣，可以加隻辣椒

**調味時唔好放得太多鹽，大約1茶匙就好，因為放得太多鹽會令番茄出水，咁個味道就變淡左，只係放少少鹽來提味就可以

**羅勒我用左新鮮，會比較香好多，而百里香我就落乾香草百里香