香滑薯蓉

好簡單！好簡單！好簡單！因為實在好簡單所以要講三次 😂
薯蓉簡直係大小朋友嘅至愛👍 無論係作為小食、配菜或主菜，都一樣受歡迎！
我會利用電飯煲嘅功能將薯蓉保溫，特別係開派對嘅時候，大家都可以隨時食到暖暖又滑滑嘅薯蓉啦 ❤

鹽麴五花肉

鹽麴普遍都係用來醃肉，我都唔例外啦！

醃出來嘅肉又嫩又滑，醃耐左都唔會死咸，仲會帶一種鮮味添👍

不過如果係唔夠時間之下，又想食到好似醃左好耐嘅肉，不妨試下呢個方法，做法相當之簡單！做出來嘅五花肉肉汁豐富，豬皮爽滑😍
💡強烈建議：一定要煮多啲飯😁

鮮蝦菜肉餃

有人話…我家雪櫃有個黑洞，放極都仲有位 😂 除左一堆凍肉或乾貨，冇事就包定啲餃子，有菜有肉又有蝦，絕對有營又好食，包定唔同形狀，想煎想烚想點都得 👍
PS：肚臍餃係我家小朋友改嘅 😌 有創意吧！

BBQ醬烤豬肋骨

嘩！呢個豬肋骨肉嫩多汁 😍 見到就流曬口水！開party一定要整番條 👍 真係好好味呀😁 簡直係無法抗拒嘅味道！食極都唔厭！睇片都覺得簡單 👏 

冬蔭功

一直都想出呢個食譜，原來一直都未出 😂 因為我成日煲，就以為自己已經post左 😁 講返呢個湯底，絕對飲完唔口渴嘅自家湯底來嘅 👍 飲完一碗又一碗！我買左兩個雞胸連雞殼，起左啲雞肉攪碎就用來炒泰式肉碎生菜包，兩食！雞殼蝦殼就用來滾湯，真係好得架 ❤
仲有，我唔鐘意一路飲湯一路吐返啲渣出來，所以我滾湯時已落齊香料，煲好就隔渣，成煲湯啖啖肉咁食，滋味好多架 👍

反轉脆炸魚肉豆卜

簡單又好味，平靚正 👍 送飯？我覺得用來送支啤酒襯啲 😂 唔需要用任何炸粉，半煎炸就已經超脆！…都未開飯人人走來食我兩粒……

Bosch FlexInduction嵌入式電磁爐

早前得到 Bosch Home​  嘅邀請，試用最新嘅FlexInduction嵌入式電磁爐示範左兩個食譜 , 見到個爐時我真係超興奮，有4個烹調區，可以同時煮多款菜式都得，啱哂果啲經常煮九大簋嘅朋友，而且有個特大彩色嘅觸控面板同繁體中文顯示，操作十分簡單又容易掌握，入面附設好多不同嘅食譜和功能，只要選擇好所需要嘅功能, 就輕易做出美食 👏

💡首先示範煮蜜桃咕嚕肉 🍗 我用左Bosch FlexInduction獨有嘅 PerfectFry油炸感應器第4段火力炸脆個排骨，調較好所需火力後，佢就會自動恆溫，唔會不斷咁加熱油溫而令食物容易炸燶，炸出來嘅排骨都係均勻金黃色，煮汁時我轉用一個較大嘅平底鑊，只要輕按一鍵，就可將兩個烹調區合併，無論不同大小嘅器具都可以感應到，好方便呀 👍

💡之後做左早餐必食嘅班戟 🍳 雖然煎班戟係容易，不過就好難控制每片煎出來嘅班戟顏色都一樣，今次我用左Bosch FlexInduction Assist協助功能入面嘅班戟預設煮食建議，選用左班戟預設煮食建議後，佢就會自動啟動PerfectFry油炸感應器第5段火力，輕易就煎到色澤均勻嘅班戟 😍

經過呢次體驗，令我對電磁爐完全改觀，烹煮嘅時候既唔會覺得個空間好熱，火力可以恆溫之餘仲控制得好好，爐上亦有安全鎖十分安全，啱哂入廚新手 💪




**用Bosch FlexInduction獨有嘅 PerfectFry油炸感應器第4段火力就可以輕易炸脆個排骨同炒蜜桃咕嚕肉