杏仁脆片

尋日學校假期，我準備左啲做法十分簡單嘅小點心比兩隻野食 💪 呢個杏仁脆片就絕對係一個方便又好食嘅小餅乾，兩三個步驟就完成 ❤ 就連小朋友都可以親手自己做 😁 整多啲存放好，幾時食，隨時食，酥脆可口 👍👍 無論用來送禮或自私食都十分適合 😘

自家製蒜蓉醬

萬用嘅蒜蓉醬真係下廚必備，冬天食火鍋要有佢，夏天食涼拌又要有佢！自己動手做，簡單又無任何添加劑 👍👍
蒜多食無壞，又可以提高免疫力，我好鐘意食蒜架，簡直係彊C先生都怕左我 😂
獨子蒜除左用來做黑蒜，我個人就鐘意用佢來整醬料，因為做出來嘅醬料蒜味重又冇咁辣，口感軟滑 (蒜頭會硬身少少)
💡 呢度有兩個版本，有辣有唔辣，兩款做哂都得，得左 ❤

麻辣東風螺

星期五比自己鬆一鬆，食啲辣嘢，開支啤酒飲 😍 確係爽！
本來想買花螺，不過貴成倍就改買東風螺 😂 加埋麻辣，惹味非常

沙律腸仔包

腸仔包真係由細食到大，不過人大左要求高左，唔想就咁得條腸，所以我會加呢啲果啲 😁 呢個包冇用任何湯種或老種，橫掂一日內都食得曬，就唔加咁多野啦！不如直接加多少少水分，等個包軟身啲都可以👍
👉👉 我知㗎！我真係知㗎！腸仔食得多冇益嘛 😂 不過久唔久一次唔緊要啦！等自己整返個包底，成件事都健康返 😌

香滑薯蓉

好簡單！好簡單！好簡單！因為實在好簡單所以要講三次 😂
薯蓉簡直係大小朋友嘅至愛👍 無論係作為小食、配菜或主菜，都一樣受歡迎！
我會利用電飯煲嘅功能將薯蓉保溫，特別係開派對嘅時候，大家都可以隨時食到暖暖又滑滑嘅薯蓉啦 ❤

鹽麴五花肉

鹽麴普遍都係用來醃肉，我都唔例外啦！

醃出來嘅肉又嫩又滑，醃耐左都唔會死咸，仲會帶一種鮮味添👍

不過如果係唔夠時間之下，又想食到好似醃左好耐嘅肉，不妨試下呢個方法，做法相當之簡單！做出來嘅五花肉肉汁豐富，豬皮爽滑😍
💡強烈建議：一定要煮多啲飯😁

鮮蝦菜肉餃

有人話…我家雪櫃有個黑洞，放極都仲有位 😂 除左一堆凍肉或乾貨，冇事就包定啲餃子，有菜有肉又有蝦，絕對有營又好食，包定唔同形狀，想煎想烚想點都得 👍
PS：肚臍餃係我家小朋友改嘅 😌 有創意吧！

BBQ醬烤豬肋骨

嘩！呢個豬肋骨肉嫩多汁 😍 見到就流曬口水！開party一定要整番條 👍 真係好好味呀😁 簡直係無法抗拒嘅味道！食極都唔厭！睇片都覺得簡單 👏 

冬蔭功

一直都想出呢個食譜，原來一直都未出 😂 因為我成日煲，就以為自己已經post左 😁 講返呢個湯底，絕對飲完唔口渴嘅自家湯底來嘅 👍 飲完一碗又一碗！我買左兩個雞胸連雞殼，起左啲雞肉攪碎就用來炒泰式肉碎生菜包，兩食！雞殼蝦殼就用來滾湯，真係好得架 ❤
仲有，我唔鐘意一路飲湯一路吐返啲渣出來，所以我滾湯時已落齊香料，煲好就隔渣，成煲湯啖啖肉咁食，滋味好多架 👍