清湯蘿蔔牛腩

炆牛腩都算是零失敗、零難度嘅家常菜之一 😋 加上我用高速煲來炆，真係好快就食得，呢個湯用來打邊爐都得，清湯腩通常都會用坑腩、崩沙腩、蝴蝶腩...之前我有用過梅頭牛腩，又係好好食，我自己最鐘意食坑腩，肥瘦適中 👍 而崩沙腩會有少少筋又有少少肥，通常一早就賣完，要訂先留！
一斤牛腩一大塊，我會切開兩至三份，快入味又快軟稔，如果留第二日先食，牛腩炆好繼續浸係湯裡面，放入雪櫃保存，加個河粉米粉，幾滴辣椒油....哇！真係超美味呀😍

木瓜廚房 之 十款轉季精選湯水

近來天氣日漸轉涼，開始乾燥，日夜溫差大，都會有幾聲乾咳，或容易染上感冒，無論大小朋友都是時候多飲用滋潤和增強抵抗力的湯水啦！

以下介紹十款大小朋友一家人都合適的湯水👍