2018年12月18日 星期二

日式漢堡扒

近日飯盒大熱之選,哥哥隔兩日就問我幾時有漢堡扒食🍱 ...其實咪又係煎肉餅😂 加啲燒烤汁,真係可以食一大碗飯,又或者加片生菜番茄麵包,就成為漢堡包🍔 一舉多得😍 所以我會一次過整多啲放入冰箱慢慢食,想食嘅時候就攞出來煎熟,唔用燒烤汁,又可以用咖哩汁,真係變化多端呀!!


















2018年10月27日 星期六

清湯蘿蔔牛腩

炆牛腩都算是零失敗、零難度嘅家常菜之一 😋 加上我用高速煲來炆,真係好快就食得,呢個湯用來打邊爐都得,清湯腩通常都會用坑腩、崩沙腩、蝴蝶腩...之前我有用過梅頭牛腩,又係好好食,我自己最鐘意食坑腩,肥瘦適中 👍 崩沙腩會有少少筋又有少少肥,通常一早就賣完,要訂先留!
一斤牛腩一大塊,我會切開兩至三份,快入味又快軟稔,如果留第二日先食,牛腩炆好繼續浸係湯裡面,放入雪櫃保存,加個河粉米粉,幾滴辣椒油....哇!真係超美味呀😍


























2018年10月14日 星期日

木瓜廚房 之 十款轉季精選湯水

近來天氣日漸轉涼,開始乾燥,日夜溫差大,都會有幾聲乾咳,或容易染上感冒,無論大小朋友都是時候多飲用滋潤和增強抵抗力的湯水啦!
以下介紹十款大小朋友一家人都合適的湯水👍






























2018年9月14日 星期五

麻辣豬皮雞煲

🌶️雞煲,以前都出過食譜,不過係照片,試下今次拍片,睇返都流口水呀🤤 雞煲真係百吃不厭,我最鐘意嘅食法就係打個芡汁,用個汁撈飯食 🍚 當然,唔加芡汁就可以加啲湯來打邊爐,上次朋友來食飯,我加左豬皮,吸哂啲麻辣汁,超正呀 😋 大家一齊諗多啲吸汁嘅食材放入去啦 😜



2018年8月30日 星期四

蜆蚧炆雞

蜆蚧醬除左用來配炸鯪魚球,其實可以用來炆肉,仲好惹味添 😋 呢幾日天氣濕濕,好想食返個煲仔菜,我覺得蜆蚧有少少似蝦醬,炒出來好香好香...真係好香 😚 強烈建議加支竹,等佢吸哂啲汁 👍 支竹用新鮮的話,炆嘅時間會快啲,可以係豆腐檔買到!
👉👉記得煮多碗飯呀!
















2018年4月12日 星期四

親子周末好去處 - 與哥哥的第一次



平時湊住兩個小朋友,好多時都要諗周末好去處或者假期好去處,啱啱呢個周末就同哥哥去左黑暗中對話,行我地嘅第一次黑暗之旅 💕 其實起初我真係好擔心佢會大喊大叫話要走,完成唔到旅程,不過最後我發現小朋友適應力真係好強,好獨立,好有主見 👍 入黑唔夠十分鐘,佢已經想甩開我自己周圍走,仲全程由佢照顧我,真係令我有啲驚訝😘